।। देवीप्रसादपञ्चकम् ।।

।। देवीप्रसादपञ्चकम् ।।

कदाचिन्न कुर्यात्स दुष्टाभिमानः

सदा नम्रभावेन कार्यं करोति ।

जिताः सर्वलोकाः स्ववाचा हि येन

स देवीप्रसादः सुलब्धो नतेन ।।1।।

सदा नम्रवाणी मुखे राजते सा

सदा सुष्ठु हास्यं मुखे शोभते वा।

सदा यो हि कामादिशत्रूंश्च हन्ति

स देवीप्रसादः सुलब्धो नतेन ।। 2।।

सदा सर्वशास्त्रेषु नित्यं रतो यः

सदा गर्भसारो ह्यधीतश्च येन ।

सदा चिन्तनं यस्य ध्यानादिसर्वम्

स देवीप्रसादः सुलब्धो नतेन ।।3।।

सदा गर्वभारः सदा दर्पवाणी

सदा दुर्विचारः सदा सर्पशीलम् ।

सदा शून्यधर्मः सदावैधकर्म

स देवीप्रसादः सुलब्धो न तेन ।।4।।

सदा चार्पिताः सर्वभावा हि येन

सदा चार्पिताः सर्वकामा हि येन

सदा सिद्धकर्मा सदा ज्ञातधर्मः

स देवीप्रसादः सुलब्धो नतेन ।।5।।

।। इतिश्रीहरिविरचितं देवीप्रसादपञ्चकम् सम्पूर्णम्।।